Ras yr Iaith yn ehangu

Ras yr Iaith yn mynd o nerth i nerth

Mae Ras yr Iaith, yr unig ras drwy’r byd sy’n hyrwyddo’r iaith Gymraeg, yn ehangu.

Eleni mi fydd y Ras, y trydydd ers ei sefydlu, yn mynd i ardaloedd newydd o Gymru gan ymweld am y tro cyntaf â’r gogledd Ddwyrain a’r de Ddwyrain. Mi fydd y Ras yn cychwyn yn Wrecsam ar Orffennaf y 4ydd a gorffen yng Nghaerffili ar Orffennaf y 6ed gan gynnig tridiau llawn o rhedeg, sŵn, egni a mwynhâd tra’n dathlu’r Gymraeg mewn cymunedau ar draws Cymru yn cynnwys Llanrwst, Bangor, Porthaethwy, Machynlleth, Aberystwyth, Hwlffordd, Dinbych y Pysgod, San Clêr, Caerfyrddin, Llanelli, Rhydaman, Ystradgynlais, Clydach, Pontardawe a Porthcawl.

Mae mudiadau amrywiol ar draws Cymru hefyd yn elwa o’r Ras gan y bydd y nawdd a dderbynnir ar gyfer ei gynnal yn cael ei ddosbarthu ar ffurf grantiau. Rhannwyd yr arian a godwyd gan y Ras ddiwethaf a gynhaliwyd yn 2016, rhwng tua pedwar deg pump o fudiadau Cymraeg ar draws yr ardaloedd yr ymwelwyd â hwy.

Trefnir y Ras gan Mentrau Iaith Cymru a dywed Owain Gruffydd, Cadeirydd Mentrau Iaith Cymru:

“Rydym yn hapus iawn o allu arwain ar y trefniadau er mwyn gwasgaru neges y Ras i lefydd newydd eleni. Yn 2016 fe godwyd dros £42,000 mewn grantiau er mwyn i fudiadau hyrwyddo’r Gymraeg yn eu hardaloedd. Fel rhwydwaith o endidau sy’n bodoli er mwyn cynyddu’r defnydd o’r Gymraeg mewn cymunedau mae’n bleser gweld y ras yn tyfu pob tro ac yn gallu gwneud gwahaniaeth dros Gymru.”

Mae croeso mawr i bawb gymryd rhan yn Ras yr Iaith, yn grwpiau ffrindiau, ysgolion, teuluoedd, mudiadau neu fusnesau a gellir cymryd rhan yn y Ras drwy redeg neu gefnogi ar ochr yr heol, drwy stiwardio, neu drwy noddi cymal o’r Ras.

Am fwy o wybodaeth ewch i www.rasyriaith.cymru

DIWEDD

Am rhagor o fanylion cysylltwch â: Heledd ap Gwynfor 01239 712934 / Iwan Hywel 01492 643401 e bostiwch heledd@mentrauiaith.cymru / iwanhywel@mentrauiaith.cymru

Nodiadau golygyddol:

Rhestr trefi a chysylltiadau’r ardaloedd hynny isod.

Dyddiad:	Ymweld â thref:	Y Fenter cyfrifol:	Rhif cyswllt y Fenter:
Gorffennaf 4, 2018	Wrecsam	Menter Iaith Fflint Wrecsam	01352 744040
Gorffennaf 4, 2018	Llanrwst	Menter Iaith Conwy	01492 642357
Gorffennaf 4, 2018	Bangor	Menter Iaith Bangor	01248 370050
Gorffennaf 4, 2018	Porthaethwy	Menter Iaith Môn	01248 725700
Gorffennaf 4, 2018	Machynlleth	Menter Iaith Maldwyn	01686 610010
Gorffennaf 4, 2018	Aberystwyth	Cered	01545 572350
Gorffennaf 5, 2018	Hwlffordd	Menter Iaith Sir Benfro	01239 831129
Gorffennaf 5, 2018	Dinbych y pysgod	Menter Iaith Sir Benfro	01239 831129
Gorffennaf 5, 2018	San Clêr	Menter Iaith Gorllewin Sir Gâr	01239 712934
Gorffennaf 5, 2018	Caerfyrddin	Menter Iaith Gorllewin Sir Gâr	01239 712934
Gorffennaf 5, 2018	Llanelli	Menter Iaith Cwm Gwendraeth Elli	01269 871600
Gorffennaf 5, 2018	Rhydaman	Menter Iaith Bro Dinefwr	01558 825336
Gorffennaf 6, 2018	Ystradgynlais	Menter Iaith Brycheiniog a Maesyfed	07776 296267
Gorffennaf 6, 2018	Clydach	Menter Iaith Abertawe	01792 460906
Gorffennaf 6, 2018	Pontardawe	Menter Iaith Castell Nedd Port Talbot	01639 763819
Gorffennaf 6, 2018	Porthcawl	Menter Iaith Bro Ogwr	01656 732200
Gorffennaf 6, 2018	Caerffili	Menter Iaith Caerffili	01443 820913